Page 57 of 57 FirstFirst ... 747555657
Results 841 to 853 of 853

Thread: کرونا وائرس ۔ پاکستان میں مریضوں کی تعداد بڑھ گئی

  1. #841
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    کراچی: سندھ حکومت نے کورونا کی پابندیوں میں مزید سختی کرتے ہوئے رات 8 بجے کے بعد عوام کی غیر ضروری نقل و حرکت پر پابندی عائد کردی۔


    وزیراعلیٰ سندھ مراد علی شاہ کی زیرصدارت کورونا ٹاسک فورس کا اجلاس ہوا جس میں کراچی سمیت صوبے بھر میں کورونا کی صورتحال کا جائزہ لیا گیا۔


    آج سے کاروبار 6 بجے بند
    ترجمان وزیراعلیٰ سندھ کے مطابق آج سے صوبے بھر میں کاروبار کے اوقات صبح 5 بجے سے شام 6 بجے تک ہوں گے، ڈپارٹمنٹل اور سپر اسٹورز شام 6 بجے تک کھلے رہیں گے تاہم بیکری اور دودھ کی دکانیں رات 12 بجے تک کھلی رہیں گی جب کہ جمعے اور اتوار کے دن کاروبار مکمل بند رہیں گے۔


    ترجمان کا کہنا تھا کہ کل سے رات 8 بجے کےبعد لوگوں کو غیر ضروری گھومنے کی اجازت نہیں ہوگی اور اس سلسلے میں وزیراعلیٰ نے آئی جی سندھ کو گاڑیوں میں گھومنے والے افراد کو روکنے کی بھی ہدایت کی ہے، اگر کسی کو ضروری کام یا اسپتال جانا ہے تو اسے اجازت دی جائے گی۔


    حکام کو ایس او پیز پر عملدرآمد کرانے کی ہدایت
    ترجمان کے مطابق پارکس میں مغرب کے بعد لائٹیں بند کرنے کا فیصلہ کیا گیا ہے اور وزیراعلیٰ نے ڈپٹی کمشنرز اور ایس ایس پیز کو پابندیوں پر ہر صورت عملدرآمد کرانے کی ہدایت کی ہے۔


    وزیراعلیٰ کا کہنا تھا کہ پورے ملک میں جتنے بھی کیسز ہیں ان کا 50 فیصد سندھ میں ہیں، کراچی کے ضلع شرقی اور ضلع وسطی میں ایس او پیز کی زیادہ شکایات مل رہی ہیں، ضلع شرقی میں کیے گئے ٹیسٹ کے 21 فیصد کیسز مثبت ہیں، جنوبی میں 16 فیصد، وسطی میں 10 فیصد کیسز ہیں جب کہ حیدرآباد میں 11 فیصد، دادو 10 فیصد، سکھر میں 8 فیصد کیسز ہیں۔


    مراد علی شاہ نے کہا کہ میں خود سرپرائز دورے کروں گا، اگر اوقات کی خلاف ورزی ہوئی تو کارروائی کروں گا، اگر ہم نے دو ہفتے پابندیوں پر مکمل عمل کیا تو آگےآسانی ہوگی۔

  2. #842
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    اسلام آباد میں کورونا مثبت کیسز کی شرح میں مزید کمی آگئی۔


    ڈسٹرکٹ ہیلتھ آفیسر کے مطابق وفاقی دارالحکومت میں 24 گھنٹوں میں 4162 ٹیسٹ کیے گئے جن میں سے 106 افراد میں کورونا کی تشخیص ہوئی اور اس طرح گزشتہ 24 گھنٹوں میں شرح 2.5 فیصد ریکارڈ کی گئی جب کہ گزشتہ روز کورونا کے باعث کسی کا انتقال نہیں ہوا۔


    ڈی ایچ او کے مطابق اسلام آباد میں گزشتہ روز کورونا سے 203 افراد صحت یاب ہوئے، شہر میں اب تک کورونا کے مثبت کیسز کی تعداد 80 ہزار 418 ہے جب کہ اب تک کورونا سے صحت یاب افراد کی تعداد 72 ہزار 142 ہے۔

  3. #843
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    پاکستان میں گزشتہ 10 ہفتوں کے بعد کورونا کے مثبت کیسز کی شرح میں کمی آگئی۔


    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 46726 ٹیسٹ کیے گئے جن میں سے 2253 افراد میں کورونا وائرس کی تصدیق ہوئی جب کہ وائرس سے 92 ہلاکتیں ہوئیں۔


    سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 4.82 فیصد رہی۔


    ملک میں گزشتہ 10 ہفتوں کے دوران یہ کورونا کیسز کی سب سے کم مثبت شرح ہے اس سے قبل کورونا کی تیسری لہر کے دوران سب سے کم شرح 10 مارچ کو 4.5 فیصد ریکارڈ کی گئی تھی۔




    ملک میں کورونا سے اب تک مجموعی طور پر 20400 افراد انتقال کرچکے ہیں اور کل کیسز کی تعداد 9 لاکھ 5 ہزار 852 ہوچکی ہے جب کہ اب تک وائرس سے 8 لاکھ 23 ہزار 157 افراد صحتیاب بھی ہوئے ہیں۔

  4. #844
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    اسلام آباد: وفاقی وزیر تعلیم شفقت محمود کورونا وائرس میں مبتلا ہوگئے۔


    وفاقی وزیر تعلیم شفقت محمود نے ٹوئٹر پر جاری بیان میں کورونا وائرس میں مبتلا ہونے کی تصدیق کی۔


    شفقت محمود کا کہنا تھا کہ ان کا کورونا ٹیسٹ مثبت آیا ہے، وہ معمولی علامات کے ساتھ بہتر محسوس کررہے ہیں، انشاءاللہ جلد بہتر ہوجائیں گے۔

  5. #845
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    وزیر تعلیم شفقت محمود کی زیر صدارت بین الصوبائی وزرائے تعلیم کے اجلاس میں اہم فیصلے کرلیے گئے۔


    ذرائع کے مطابق اجلاس میں رواں سال کسی کو بغیر امتحان پروموٹ نہ کرنے کا فیصلہ کیا گیا ہے۔


    ذرائع نے بتایا کہ تمام کلاسوں کے امتحانات ہر صورت ہوں گے۔


    حکومت نے ایس او پیز کے تحت ہر صورت امتحانات لینے کا فیصلہ کیا ہے جس کے مطابق پہلے دسویں اور بارہویں جماعت کے امتحانات ہوں گے۔


    اجلاس میں فیصلہ کیا گیا کہ دسویں اور بارہویں جماعت کے امتحانات جون کے تیسرے ہفتے میں ہوں گے جبکہ رزلٹ میں تاخیرپر جامعات پروویژنل سرٹیفکیٹ کی بنیاد پر داخلے دیں گی۔


    چھٹی کے حوالے سے طے کیا گیا ہے کہ موسم گرما کی تعطیلات کم ہوں گی جس کا فیصلہ صوبے کریں گے۔

  6. #846
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    ملک میں کورونا سے مزید 65 افراد انتقال کرگئے اور 2700 سے زائد کیسز بھی رپورٹ ہوئے ہیں۔


    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 59076 ٹیسٹ کیے گئے جن میں سے 2724 افراد میں کورونا وائرس کی تصدیق ہوئی جب کہ وائرس سے 65 ہلاکتیں ہوئیں۔


    سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 4.6 فیصد رہی۔


    ملک میں گزشتہ 24 گھنٹوں کے دوران مثبت کیسز کی شرح گزشتہ 10 ہفتوں کے دوران رپورٹ ہونے والی کم شرح ہے۔


    اس سے قبل 10 مارچ کو پاکستان میں کورونا کے مثبت کیسز کی شرح 4.5 ریکارڈ کی گئی تھی۔




    ملک میں کورونا سے اب تک مجموعی طور پر 20465 افراد انتقال کرچکے ہیں اور کل کیسز کی تعداد 9 لاکھ 8 ہزار 576 ہوچکی ہے جب کہ اب تک وائرس سے 8 لاکھ 27 ہزار 843 افراد صحتیاب بھی ہوئے ہیں۔




    اس کے علاوہ ملک بھر میں اب تک مجموعی طور پر 12 لاکھ 86 ہزار سے زائد افراد کو کورونا وائرس کی ویکسین لگائی جاچکی ہے۔

  7. #847
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    پاکستان میں 19 سال اور اس سے زائد عمرکے افراد کی ویکسینیشن کےلیے رجسٹریشن کل سے شروع کرنےکا فیصلہ کیا گیا ہے۔


    وفاقی وزیر اسد عمر کا کہنا ہے نیشنل کمانڈ اینڈ آپریشن سینٹر (این سی او سی) اجلاس میں فیصلہ کیاگیا ہےکہ کورونا ویکسین کےلیے ماہرین صحت کی منظور کردہ آبادی کےلیے رجسٹریشن کل سے ہوگی۔


    خیال رہے کہ اس سے قبل نیشنل کمانڈ اینڈ آپریشن سینٹر نے 30 سال اور اس سے زائدکی عمر کے افراد کے لیے کورونا ویکسی نیشن کا اعلان کیا تھا۔


    ملک بھر میں 30 سال سے زائد عمرکے افراد کو کورونا ویکسین لگنےکا سلسلہ جاری ہے اور اب 19 سال کی عمر کے افراد کی رجسٹریشن بھی شروع کردی گئی ہے۔

  8. #848
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    پاکستان میں کورونا کیسز میں بتدریج کمی واقع ہورہی ہے اور گزشتہ 24 گھنٹوں کے دوران کورونا کے مثبت کیسز کی شرح 4.3 فیصد رہی۔


    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 62706 ٹیسٹ کیے گئے جن میں سے 2726 افراد میں کورونا وائرس کی تصدیق ہوئی جب کہ وائرس سے 75 ہلاکتیں ہوئیں۔


    سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 4.3 فیصد رہی۔




    ملک میں تقریباً گزشتہ 12 ہفتوں کے دوران یہ کورونا کیسز کی سب سے کم مثبت شرح ہے اور اس سے قبل کورونا کی تیسری لہر کے دوران سب سے کم شرح 6 مارچ کو 4.2 فیصد ریکارڈ کی گئی تھی۔


    ملک میں کورونا سے اب تک مجموعی طور پر 20540 افراد انتقال کرچکے ہیں اور کل کیسز کی تعداد 9 لاکھ 11 ہزار 302 ہوچکی ہے جب کہ اب تک وائرس سے 8 لاکھ 31 ہزار 744 افراد صحتیاب بھی ہوئے ہیں۔

  9. #849
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    کراچی: وزیراعلیٰ سندھ مراد علی شاہ کا کہناہے کہ صوبے میں کورونا کیسز کی شرح کم ہورہی ہے جس میں عوامی تعاون پر شکریہ ادا کرتے ہیں۔


    وزیراعلیٰ سندھ کی زیر صدارت کورونا سے متعلق صوبائی ٹاسک فورس کا اجلاس ہوا جس میں صوبے میں کورونا کی موجودہ صورتحال پر بریفنگ دی گئی۔


    وزیراعلیٰ کو دی گئی بریفنگ میں بتایا گیا کہ گزشتہ 24 گھنٹوں میں 22043 ٹیسٹ کیے گئے جو ایک ریکارڈ ہے، ان ٹیسٹوں کے نتیجے میں 1293 کیسز آئے جو 5.9 فیصد تشخیصی شرح ہے۔


    بریفنگ میں کہا گیا کہ سختی کرنے سے کیسز کی شرح کم ہوئی ہے۔


    اجلاس میں وزیراعلیٰ سندھ نے کہاکہ اب کیسز کم ہورہے ہیں، تعاون پر عوام کا شکریہ ادا کرتے ہیں، عوام نے تعاون جاری رکھا تو ہم جلد کورونا کے پھیلاؤ کو روک سکیں گے۔


    انہوں نے بتایا کہ کراچی میں کیسز کی شرح 8.34، حیدرآباد میں 4.42 اوردیگر اضلاع میں 3.3 فیصد ہے، 20 مئی کو کراچی میں 12.86 فیصد اور حیدرآباد میں 11 فیصد شرح تھی۔


    اجلاس میں فیصلہ کیا گیا کہ کورونا سے متعلق صوبائی حکومت کی پابندیاں جاری رکھی جائیں گی۔


    دوسری جانب سندھ حکومت کے ترجمان مرتضیٰ وہاب نے کہا کہ کراچی میں کوروناکیسز کی شرح کم ہوکر 8.34 فیصد ہوگئی اور حیدرآباد میں بھی شرح کم ہوکر 4.42 فیصد پر آگئی ہے۔

  10. #850
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    پاکستان میں کورونا کیسز میں بتدریج کمی واقع ہورہی ہے اور گزشتہ 24 گھنٹوں کے دوران کورونا کے مثبت کیسز کی شرح 4.8 فیصد رہی۔


    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 51625 ٹیسٹ کیے گئے جن میں سے 2482 افراد میں کورونا وائرس کی تصدیق ہوئی جب کہ وائرس سے 67 ہلاکتیں ہوئیں۔


    سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 4.8 فیصد رہی۔




    ملک میں کورونا سے اب تک مجموعی طور پر 20607 افراد انتقال کرچکے ہیں اور کل کیسز کی تعداد 9 لاکھ 13 ہزار 784 ہوچکی ہے جب کہ اب تک وائرس سے 8 لاکھ 34 ہزار 566 افراد صحتیاب بھی ہوئے ہیں۔




    اس کے علاوہ ملک بھر میں اب تک مجموعی طور پر 15 لاکھ 13 ہزار سے زائد افراد کو کورونا وائرس کی ویکسین لگائی جاچکی ہے۔

  11. #851
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    پاکستان میں کورونا کیسز میں بتدریج کمی واقع ہورہی ہے اور گزشتہ 24 گھنٹوں کے دوران کورونا کے مثبت کیسز کی شرح 24.4 فیصد رہی۔


    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 55442 ٹیسٹ کیے گئے جن میں سے 2455 افراد میں کورونا وائرس کی تصدیق ہوئی جب کہ وائرس سے 73 ہلاکتیں ہوئیں۔


    سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 4.42 فیصد رہی۔




    ملک میں کورونا سے اب تک مجموعی طور پر 20680افراد انتقال کرچکے ہیں اور کل کیسز کی تعداد 9 لاکھ 16 ہزار 239ہوچکی ہے جب کہ اب تک وائرس سے 8 لاکھ 36 ہزار 702 افراد صحتیاب بھی ہوئے ہیں۔

  12. #852
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    پاکستان میں بھی کورونا وائرس کی مہلک بھارتی اور جنوبی افریقی قِسم کی موجودگی کا انکشاف ہوا ہے۔


    وفاقی وزارت صحت کے مطابق جنوبی افریقی قسم کے7 اور بھارتی قسم کے ایک کیس کی تصدیق ہوئی ہے۔






    اس سے قبل وزیرصحت سندھ ڈاکٹر عذرا پیچوہو نے بھی کراچی میں کورونا وائرس کی جنوبی افریقی قسم کے تیزی سے پھیلنے کی تصدیق کی تھی۔


    انہوں نے بتایا تھاکہ 57 افراد کے نمونوں پرسیرولوجیکل تحقیق کی گئی ہے جن میں سے کراچی میں 71 فیصد کیسز کورونا کی جنوبی افریقی قسم کے رپورٹ ہوئے اور 20 فیصد کیسز برطانوی قسم کے ہیں۔


    خیال رہے کہ گزشتہ دنوں پاکستان آنے والے 12 بھارتی سفارت کاروں میں سے ایک کی اہلیہ اپنے ساتھ کورونا بھی لے آئی تھیں۔


    پاکستان نے تمام 12 بھارتی اہل کاروں کو اہل خانہ سمیت قرنطینہ کی مدت پوری کرنے کی ہدایت کی ہے۔

  13. #853
    Sisters Society

    Join Date
    Feb 2008
    Location
    Karachi
    Posts
    56,245
    Blog Entries
    27
    ملک میں کورونا سے مزید 56 افراد انتقال کرگئے جس کے بعد کورونا سے جاں بحق افراد کی مجموعی تعداد 20 ہزار 736 ہوگئی۔


    نینشل کمانڈ اینڈ آپریشن سینٹر(این سی اوسی ) کے مطابق گذشتہ 24گھنٹوں کے دوران کورونا کے55 ہزار 965 ٹیسٹ کیےگئے جن میں سےکوروناکے 2 ہزار697کیسز رپورٹ ہوئے۔


    این سی او سی کے مطابق ملک میں کورونا مثبت کیسز کی شرح 4.81 فیصد رہی۔


    دوسری جانب گذشتہ روز کے اجلاس میں نیشنل کمانڈ اینڈ آپریشن سینٹر نے سندھ میں کورونا کے بڑھتےکیسز پر تشویش کا اظہار کیا ہے۔

Page 57 of 57 FirstFirst ... 747555657

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •