Ahmed Lone

شادو

Rate this Entry
شادو،،،۔۔۔۔۔ منو بھائی
میں جو شاعر بنیا پھرناں
نکے نکے دعوے گھڑ کے
اچیاں اچیاں گلاں کرناں
میں تے ایہہ وی جان نہ سکیا
میری ساری عمراں دے دکھ
میری ساری عمراں دی بُھکھ
میرے اتھرو میرے ہاسے
سوچ دے پرتے ہوئے پاسے
میرے پیدا ہون توں پہلاں
اس دنیا وچ اون توں پہلاں
کیکن اس دھرتی تے آ گئے
کیکن کوئی گیت بنا گئے
میں تے ایہہ وی جان نہ سکیا
میرے سارے آنڈھی گوانڈھی
باؤ ، سیٹھ، تے کمی پانڈھی
موچی، دھوبی، نائی، بیرے
ایرے غیرے نتھو خیرے
کون نیں کیہ نیں کی کردے نیں
کد پر نہیندے کد مردے نیں
دنیا کولوں کیہ منگدے نیں
لوکی میرے کی لگدے نیں
میں تے ایہہ وی جان نہ سکیا
میں تے ایہہ وی جان نہ سکیا
شادو لمیاں والاں والی
منہوں گوری اکھیوں کالی
ہاری قسمت دے جوئے چوں
شادو دی ماں دے بوہے توں
جس ویلے جنج پرت گئی سی
شادو تے کیہ ورت گئی سی
شادو دی ماں کیوں روئی سی
شادو ڈب کے کیوں موئی سی
میں تے ایہہ وی جان نہ سکیا
میں جو شاعر بنیا پھرناں
نکےنکے دعوے گھڑ کے
اچیاں اچیاں گلاں کر کے۔۔

منو بھائی مرحوم کی پنجابی کی میری پسندیدہ نظم

Submit "شادو" to Digg Submit "شادو" to del.icio.us Submit "شادو" to StumbleUpon Submit "شادو" to Google

Categories
Uncategorized

Comments

  1. Meem's Avatar
    بہت عمدہ۔ ہرچند کے پنجابی کم سمجھ آتی ہے۔۔
    اللہ غریق رحمت کرے۔ منو بھائی کو۔ آمین۔
  2. 1UM-TeamUrdu's Avatar
    واہ ۔ بہت خوب ۔
    سدا سلامت رھیے
  3. Sajidcompk's Avatar
    what a classic by Munno bahi
  4. Sajidcompk's Avatar
    Quote Originally Posted by Meem
    بہت عمدہ۔ ہرچند کے پنجابی کم سمجھ آتی ہے۔۔
    اللہ غریق رحمت کرے۔ منو بھائی کو۔ آمین۔
    do i translate it
  5. Meem's Avatar
    بسم اللہ کریں۔۔ نیکی اور پوچھ پوچھ۔
    Quote Originally Posted by Sajidcompk
    do i translate it