السلام علیکم مُعزز ممبران۔ اُمید کرتی ہوں کہ سب خیریت سے ہوں گے۔

آج کل فورم پر لکھنے لکھانے کا ایک ٹرینڈ سا چل پڑا ہے۔ کہیں کوئی افسانے لکھ رہا ہے تو کہیں مزاحیہ تحریریں، کہیں جا بجا بلاگز لکھے جا رہے ہیں تو کہیں شاعر لوگ بھی اپنی محفل جمائے بیٹھے ہیں۔ اس سب میں کچھ ممبرز ہیں جو شاید لکھنا چاہتے ہیں لیکن وہ کسی بڑے موضوع پر قلم اُٹھانے سے ہچکچاتے ہیں۔

ایسے ہی ممبران کے لیے اور باقی ریگولر لکھنے والوں کے لیے بھی۔ ۔ ۔ایک ایسے مقابلے کا اہتمام کیا گیا ہے جو آپ کو سنجیدہ تلخ اور گہری باتوں سے کچھ دیر کو نکال کر کچھ ہلکا پُھلکا پڑھنے کو دے گا۔ تو آئیں اس مُقابلے میں کیا اور کیسے لکھنا ہے یہ جانتے ہیں۔

یہ نثری مُقابلہ ہے اور موضوع کی کوئی قید نہیں۔ لیکن اگر کسی کو موضوع سمجھ نہ آئے تو وہ "یادیں" موضوع پر کچھ لکھنے کی کوشش کرے۔ ورنہ ہر کوئی اپنا نثر پارہ اپنے پسند کے موضوع پر لکھنے کے لیے آزاد ہے۔

کسی بھی نثر پارے میں کوشش یہ کی جائے کہ بات آپ کی ہو
اور پڑھنے والا یہ سمجھے کہ ۔ ۔ ۔ جو لفظ بھی وہ پڑھ رہا ہے اُس کی آواز اُس کے اپنے دل سے نکل رہی ہے۔ الفاظ کے چناؤ کی بات کی جائے تو آپ نے خوبصورت الفاظ کو جملوں میں پرو کر موسیقیت پیدا کرنے کی کوشش کریں۔ نثر پارہ سنجیدہ، مزاحیہ، رومانوی (نیچر لوو) یا اسلامی کسی بھی طرح ہو سکتا ہے۔

مُقابلے کے قوانین:

1۔ تحریر آپ کی ذاتی لکھی گئی ہو۔
2۔ صرف اُردو میں لکھی گئی تحاریر ہی شاملِ مُقابلہ ہوں گی۔
3۔ ایک ممبر زیادہ سے زیادہ دو تحاریر شامل کر سکتا ہے۔
4۔ تحریر مُناسب سائز میں ہو۔ 10 سطروں سے کم کی تحریر مُقابلے میں شامل نہ ہو پائے گی۔
5۔ ججز کا فیصلہ حتمی اور ناقابلِ اعتراض ہو گا۔

انعاماتۛ

پہلا انعام 1000 پوائنٹس۔
دوسرا انعام 700 پوائنٹس۔
تیسرا انعام 500 پوائنٹس۔
تمام شامل ہونے والوں کے لیے 100 پوائنٹس کا تحفہ۔



تحریر جمع کروانے کی آخری تاریخ 25 مارچ ہے۔



آپ سب کی شمولیت کا انتظار رہے گا۔


نوٹ: اگر کچھ لوگ اپنی تحریر جمع کروانے سے ہچکچائیں تو وہ اپنی تحریر مجھے بطور پرسنل میسج میں بھیج دیں۔ وہ اُن کے نام کے بغیر مُقابلے میں شامل ہو جائے گی۔ بعد میں اگر وہ چاہیں تو جب مرضی بتانے کے لیے آزاد ہیں کہ وہ اُن کی تحریر ہے۔ شُکریہ